Evenemintbelied

Yn Tytsjerksteradiel wurde jierliks sa'n 350 eveneminten organisearre. Dizze eveneminten skeppe in libbene sfear, befoarderje in gefoel fan mienskip en meitsje de gemeente libbendiger. Eveneminten drage by oan in regio dêr't minsken wenje, wurkje en ûntspanne wolle. Se stimulearje ek de lokale ekonomy. Koartsein: eveneminten hawwe ûnbestriden mearwearde foar de maatskippij. 

It evenemintebelied fan 'e gemeente Tytsjerksteradiel jout in oersjoch fan hoe't wy eveneminten organisearje wolle. Ek de jildende regels en de oanfraachproseduere wurde dêryn beskreaun. It organisearjen fan in feilich evenemint bringt in soad wurk mei. Dêrom binne de belanghawwenden op ferskate mominten by de ûntwikkeling fan dit evenemintebelied rieplachte. Meiwurkers fan ferskate gemeentelike ôfdielingen, de Feilichheidsregio Fryslân, de plysje, de Keninklike Horeca Nederland, organisatoaren en doarpsgroepen binne ynterviewd en rieplachte.