Útwreide ynspeksje op bedriuweterrein Damsingel
Op tiisdei 24 maart hat de gemeente Tytsjerksteradiel in wiidweidige kontrôle útfierd op it bedriuweterrein oan de Damsingel yn Sumar. De gemeente hat by dizze operaasje gearwurke mei de plysje, Liander, Fumo en it RIEC. De besochte gebouwen binne willekeurich selektearre. Tidens de kontrôles binne in oantal oertredings waarnommen.
Tidens de ynspeksje is kontrolearre oft it bedriuwspân brûkt wurdt neffens it bestimmingsplan. Der binne ek kontrôles útfierd op it mêd fan brânfeiligens en eventuele oanpassingen oan de gebouwen. It doel is om mei-inoar gear te wurkjen oan in feilige, sûne en goed funksjonearjende omjouwing foar ûndernimmers en omwenners. De fûne oertredings hawwe betrekking op miljeuwetjouwing, de Algemiene Gemeentelike Ferordening (APV) en brânfeiligens.
Dizze ynspeksjes helpe om risiko's betiid te identifisearjen, ferbetteringen oan te bringen en ûndernimmers bewust te meitsjen fan 'e regels. Sa hâlde wy ús gemeente feilich en leefber.