Wurd Nederlânsk boarger fia opsje

Hoe wurket it?

• Jo dogge in ferklearring oan 'e gemeente dat jo opsjoneel Nederlânsk steatsboarger wurde wolle.
• Jo betelje de kosten neidat jo de ferklearring dien hawwe.
• Jo folje in formulier yn wêryn jo oanjaan dat jo de ferklearring fan trou ôflizze wolle. Jo dogge dizze ferklearring tidens de naturalisaasjeseremoanje. Dêrmei ferklearje jo dat Nederlânsk rjocht ek op jo fan tapassing is. Bern ûnder de 16 jier binne dit net ferplichte.

De gemeente kontrolearret jo ferklearring. As it goedkard wurdt, krije jo in útnoeging foar de naturalisaasjeseremoanje.

Naturalisaasjeseremoanje

By de naturalisaasjeseremoanje dogge jo de ferklearring fan trou. Tidens de seremoanje krije jo ek befêstiging dat jo Nederlânsk boarger wurden binne. Jo binne ferplichte om dizze seremoanje by te wenjen. Wie jo bern 16 jier of âlder doe't jo de ferklearring fan opsje dienen? Dan is hy of sy ek ferplichte om de seremoanje by te wenjen. Bern ûnder de 16 hoege net mei te kommen, mar se binne fansels wolkom.

Hoe djoer is it?

Jo kinne de aktuele kosten fine op www.ind.nl .

Wat moat ik meinimme?

• Dyn ferbliuwsfergunning
• Dyn jildich paspoart of oar reisdokumint
• Dyn berte-akte
• Oare dokuminten oangeande jo persoanlike situaasje. Bygelyks in trouakte of skiedingsakte.

Wichtich oangeande bûtenlânske dokuminten

• De gemeente moat ferifiearje kinne dat bûtenlânske dokuminten autentyk binne. Dit kin dien wurde troch de dokuminten te legalisearjen. Freegje de gemeente fan tefoaren oft dit nedich is.
• Bûtenlânske dokuminten moatte yn it Nederlânsk, Ingelsk, Frânsk of Dútsk wêze. As dit net it gefal is, moatte jo de dokuminten earst oersette litte troch in beëdige oersetter yn Nederlân.