Wetter- en Riolearringsprogramma (WRP) 2026-2031
It nije WRP foar de gemeente Tytsjerksteradiel is oannaam. Hjirmei sette wy in wichtige stap rjochting in takomstbestindich Tytsjerksteradiel. De kommende jierren sille wy wurkje oan doarpen dy't better taret binne op swiere rein, oerstreamingen, droechte en waarmte. Dit is needsaaklik om't ús waar feroaret: it reint faker en hurder, mar it is ek langer drûch en waarmer.
Yn it WRP sjogge wy net allinnich nei oplossingen foar it hjoeddeiske, mar ek nei wat nedich is foar de takomst. Tink oan manieren om wetter better fêst te hâlden, strjitten en tunen griener te meitsjen, en ús rioelsysteem ta te rieden op ekstreme rein.
Tegearre mei ynwenners, ûndernimmers en de gemeente
Wy hawwe ynwenners, ûndernimmers en riedsleden al betiid belutsen by it meitsjen fan it nije WRP. Troch in enkête, in iepen jûn en petearen mei de ried hawwe wy in protte weardefolle ideeën sammele. Yn totaal hawwe 249 minsken meidien oan de enkête, wêrtroch't wy in dúdlik byld krigen hawwe fan wat der yn ús doarpen bart.
Bewenners dielden ûnderfiningen oangeande oerstreamingen, droechte en hjitte, en ek ideeën foar harren strjitte of buert. Dizze ynbring holp by it meitsjen fan in programma dat goed oerienkomt mei wat wichtich is foar de mienskip.
Tegearre bouwe wy fierder
Mei it oannommen WRP kinne wy de kommende jierren doelgericht oan it wurk. Wy sille dit dwaan as gemeente, mar ek tegearre mei ynwenners, ûndernimmers en organisaasjes. Want elkenien kin bydrage, yn 'e tún, op it hiem, of op strjitte.
Nijsgjirrich nei de plannen? De rapporten steane hjirûnder.