Subsydzje foar duorsumens en ferbettering fan sportfoarsjennings

De gemeente Tytsjerksteradiel fynt duorsumens en ûntwikkeling yn (amateur)sport wichtich. Dêrom stipet se amateursportferienings graach. 

De subsydzjeregeling foar it duorsumer meitsjen en ferbetterjen fan sportfoarsjennings giet op 1 septimber iepen. Sportferienings mei eigen sportfoarsjennings kinne subsydzje krije foar ien tredde fan 'e kosten foar it duorsumer meitsjen fan harren foarsjennings of it meitsjen fan oare ferbetteringen. 

Derneist kinne sportferienings 50% subsydzje krije op 'e rintekosten fan in liening dy't ôfsletten is om har sportfoarsjennings duorsumer te meitsjen/ferbetterjen.